اسكريبت كامل بقلم غادةعادل

_هو أنت دكتور قلب؟!
=لا يا آنسة عيون، و خليني بقا اشوف شغلي، بتشتكي من إيه؟
_أصل قلبي بيدق جامد أوي أوي 
=معلش
_من طالّتك عليا.. 
=خالصيني يا آنسة 
_آه والله آنسة و نفسي اغير المسمى 
=ماتخلصيني بقا! 
_الله.. سو كيوت
=أستغفر الله العظيم يارب!
_الله عندك عروق كمان.. 
= اخلصي يا بنتي!

_بنتك! الله هاتعتبرني كمان بنتك زي ما هاتعتبرني زوجتك و حبيبتك! 
=لا إله إلا الله!
_تعرف إنك قمر في القميص الاسود و انا نقطة ضعفي الأسود! 
=اللهم طولك يا روح
_عرفت منين؟
=هو إيه دا! 
_ماهو أسمي روح... شوف دي إشارة أهي..يلا نتجوز بقا.. 
=ابتسم: يا آنسة انتِ مچنونة! 
_اللهم صلي على النبي كمان بغمازات!... كدا أنا قتيلة هنا... 
=أنتِ هبلة!... فين أهلك سايبينك كدا! 
_أمي دعتلي بالعريس و أنا خارجة و ابويا عايز يخلص من طلباتي
=تقومي رامية بلاكي عليا؟!
_والله لو اتجوزنا هاتخد ثواب إدخال الفرحة على قلب مسلم...
=اتحدفتي عليا منين! 
_صدقني أنا كيوت و ماليش طلبات كتيرة و اهلي ماهيصدقوا يمشوني م البيت
=انتِ واقعة كدا! 
_بقالي كتير سنجل و الوضع بائس حد اللعڼة
=و الجواز اللعڼة نفسها
_مش مشكلة هانهونها على بعض 
=امشي ربنا يهديكى
_مهو الجواز هدايتي 
=اللهم طولك ياروح! 
_الله بتقول أسمي  ببحة ماحدش قالها قبل كدا 
=انا مش بفكر في الجواز 
_الجواز نص الدين و أنا جيتلك عشان أكمله 
=يابت انت إيه!
_أنا التي هدمت حصون قلبها بغمازاتك يا بن القمر
=والله! 
_أيوة...بُص انت الوحيد اللي لقيته اجمل من اللي اتمنيته كل اللي فيك أنا حبيته و كتاب الله
=هو انتِ لحقتي دي أول مرة اشوفك! 
_مهو من نظرة و ابتسامة قولت على قلبي السلامة معاك و قررت ادهولك.. 
=طب أنا مش عايزك 
_خليك كدا عامل تقيل و أنا مش هاسلم مستحيل...و بعدين اتقل و اراضي هو انت حد عادي
=يخربيت دماغك دي... 
_بقولك إيه كيفي كدا و اللي اقوله هانمشيه و هاتوافق
=لا بقا، عايزة اللي كله كلامه آه مش أنا 
_الله كمان حمش...
=عليه العوض
_يعني موافق 
=شكلها مافيش حل تاني.. 
_يبقى الحمد لله الذي بنعمته تتم الصالحات...
بقلم  غادةعادل