بقلم ايمان حجازي ج 7
عبدالله بحب وترجي بوصيلي يا ميمه
رفعت مرام عينيها بعينيه في صعوبه وهي تنظر اليه ليكمل حديثه انا لو كنت قسيت عليكي أو بقسي عليكي فده عشانك انتي .. عشان تتعلمي متضيعيش الحاجه اللي روحك فيها من ايديكي و خصوصا ان انتي اللي هتتأذي لو ضاعت منك .. عايزك تتعلمي تبقي قويه ..تبقي قويه في كل حاجه وقدام اي حد الا قدامي انا .. وانتي عارفه اني مبجيش بلوي الدراع ولا العند .. انتي اكتر واحده عارفه مفاتيح قلبي .. الأحترام والتقدير والحنيه .. وقتها انا اللي هتلاقيني زي الخاتم في صباعك .. يا ميمتي احنا اللي بيننا مش مجرد عالقه بين اتنين متجوزين أو حتي اتنين بيحبوا بعض .. اللي بيننا اكبر من ده بكتير .. حاجه انا شخصيا مش عارف اجيب لها اسم أو وصف معين ليها .. بس كل اللي اقدر اقولهولك ان انتي حته مني .. عمري ما شفتك مراتي أو حبيبتي قد ما شفتك جوايا .. انتي الوحيده اللي عرفت تاخد قلبي
خرجت تلك الكلمه من اسفل شفتيها المرتعده بعد ان استمعت لكل ما اردف به ليهز لها رأسه علي انه لم يستمع اليها لتردد مره اخري بصوت مرتفع وهي تطبق بيديها علي رقبته مردده في جديه أقتلك يا عبدالله واخلص منك ...أخنقك عشان ارتاح من اللي انا فيه ده !!
عبدالله بجديه هو أيضا لو ده هيريحك اقتليني .. واعرفي اني عمري ما هزعل منك ..بالعكس ..
مرام وهي تهبط دمعه اخيره بعينيها ومين قال ان موتك هيريحني .. موتك هيتعبني انا
