حياه لطيفة اذا بقلم منه العدوي
المحتويات
ممدش ايده يسلم عليا..اكتفي انه رجع خطوة لورا واتكلم بنبرة هادية..اسف بس مش بسلم
اتحرجت وشلت ايدي وسالته وانا بحاول اكتم دموعي..اي اللي غيرك اوي كدا يا ادهم انت فعلا خطوبتك انهاردة
انا زي ما انا يا خلود بس كل الحكاية اني عرفت ان كل حاجة كنا بنعملها كانت غلط وحرام بس مكملش كلامه وسكت دقيقه ورجع كمل..علي العموم خطوبتي فعلا انهاردة عن اذنك
نطقتها بصوت واطي وانا عيوني عليه وهو نازل
تعالي يا خلود يا بنتي عايزة اتكلم معاكي شويه
كان صوت عمتي من ورايا بصيت ليها والدموع في عيني بس مكنش عندي طاقه اتكلم معاها وخصوصا و انا شايفة نظرة الشفقه في عيونها..
استاذنت منها ومشيت علي الكافيه قبل ما اسمع اعتراضها كان انسب مكان ممكن يحتويني في الوقت دا
اخدت نفس عميق وسندت علي الكرسي وانا مغمضه عيني وكل موقف حصل بينا بيمر قدام عيني..
لحظات لطيفه مع حنانه حبه اهتمامه خوفه عليا
لكن كل دا تلاشى بقي مقابله برود وعدم اهتمام ونظرات خاويه من اي تعابير
ولحد هنا مجاش في دماغي غير جمله واحدة..
معقول البعد بيقسي للدرجة دي..
للحقيقه انا كنت بنزل مرة في السنه ويدوب كام يوم وفي اوقات مكنتش بنزل..
بقالي اربع سنين مسافرة ويمكن خمسه او سته اساسا
انا كنت وعدته يوم ما جات ليا منحه لتركيا اني هخلص تعليم هناك وهرجع وقتها هنعمل كتب كتابنا وفرحنا
لكني خلصت تعليم بقالي تلت سنين واشتغلت..
هو كان مستحمل كل دا ازاي انا اتضايقت من نفسي لما عرفت انا اد اي كنت جافيه في علاقتي معاه
اتنهدت ورجعت غمضت عيني ودموعي نازله علي خدي بصمت..
الايام بتعدي وانا لسه بحاول اكسب حب ادهم ليا مرة تانية
لكنه كان بيصدني كل مره وكلمه بس اللي بيفضل يقولها كل مرة..
انا مبقتش حاسس بشعور ناحيتك مبقتش بحبك يا خلود
الباب اتفتح مره واحدة ورجع اتقفل تاني وصوت خطوات بتقرب من السرير وفي لحظة صوت عالي دوي في الاوضه..بت يا خلود قومي يا موكوسه كتب كتاب ادهم كمان اسبوع وانت حابسه نفسك في الاوضه فين اصرارك انك هتستردي حب ادهم ليكي مرة تانية
خلود كانت نايمه علي السرير بلا مبالاه واول لما سمعت الكلام دا عدلت
متابعة القراءة
