قصة القلب المسکون كاملة

..
ملك تبص لتميم وبصوت رقيق تيمو مش تنسي معادنا بعد الشركة انهاردة ...
تميم بستغراب معادنا !! ... 
ملك أه ي بيبي معادنا أنت نسيت ولا ايه... مش قولتلي اننا هنخرج مع بعض انهاردة بعد الشغل ونتغدي انا وانت لوحدنا ...
لين بعصبية بس أنتي معاد خروجك من هنا متأخر علشان أنتي بتاخدي تدريب مكثف ...
ملك بنظرة مكر أنتي مش ملاحظة أن محدش وجه ليكى كلام أصلا !! 
بتدخلي يبنى وبين جوزي ليه ! 
تميم يستغرب طريقة ملك في الكلام ولين تضايق وتخرج بسرعة من المكتب ...
تميم ملك في ايه ! 
ملك مفيش عاوزة أكل جعانة ..
تميم في كافيتريا تحت ممكن في فترة البريك تروحي تجيبي حاجة تاكليها... انا مش فاضي ورايا شغل كتير انهاردة ...
ملك بغيظ شكرا جدا ي حضرت المدير 
وتخرج ملك وهي مضايقة وتقول لنفسها ما كان الغدا حلو من شوية ... ماشي ي تميم 
وتروح ملك ع مكتب لين وتدخل من غير ما تخبط
لين أي دا انتي أزاي تد....
تقاطعها ملك بقولك ايه ما تجيبي معايا من الاخر وتقولي عاوزة ايه من تميم ...
لين بنظرة مكر وانا هكون عاوزة ايه يعنى وضحي سؤالك علشان أجاوب 
ملك ما بلاش شغل الاستهبال دا بقي واتكلمى بصراحة ... انتى فاكرة أني مش واخدة بالي من التلزيق إلا بتعمليه قدام تميم ولا ايه...
لين وايه إلا مضايقك انا وهو صحاب 
ملك صحاب في عينك دا جوزي !! 
لين قصدك إلا خطفتيه مني ...
ملك أيوا... انا بقي عاوزة أفهم الموضوع دا 
انتي قولتى ان تميم كان متجوز قبل كدا وكان رافض الجواز بعدها.... مراته دي ماټت أزاي ! 
وليه قبل يتجوزنى بدل هو كان رافض الجواز 
لين مراته ماټت في حاډثة كانت جاية من المطار علشان تحضر ډفن أخته...
ملك پصدمة وهي اخته ماټت في حاډثة هي كمان 
لين لأ انا إلا أعرفه انها اڼتحرت ... ومن يوم وفاتهم وهو كل ما حد من أهله يفتح موضوع الجواز دا يتعصب ويرفض ...
ملك وأخته اڼتحرت أزاي وليه  
لين معرفش كل إلا أعرفه انها كانت بتحب واحد وسابها بعد مدة من حبهم دا وبعدها اڼتحرت ..
ملك تنصدم أكتر ودموعها تنزل ...
لين تبص لملك من فوق لتحت وتقول قوليلي انتى بقي اقنعتيه أزاي انه يغير رأيه ويتجوزك 
سوري يعنى مش شايفة فيكى حاجة تشده للدرجة دي
ملك لنفسها انا دلوقتى بس عرفت هو اتجوزني ليه 
وتسيب ملك لين وتخرج بسرعة وهى بټعيط ...
لين هي مالها دي ...
بالليل 
ملك قاعدة لوحدها في الأوضة عماله ټعيط وتفتكر كل إلا حصلها وتقول يعنى هو اتجوزنى شفقة ...
اتجوزني علشان ميكنش مصيري زي مصير أخته بعد ما عمر سابنى...
غصبنى على الجواز علشان يكون متأكد اني مش هخليه يقرب مني وبكدا يفضل محافظ ع حبه لمراته 
وټعيط بحرارة أكتر وتقول دخلنى في حياته شفقة ومش أداني حتى حق انى اختار أوافق ولا لأ 
للدرجة دي انا في نظرة كنت ضعيفة !! 
وتمسح دموعها وتقف وتقول لأ ي تميم لو كنت فاكر انى محتاجة مساعدتك وشفقة منك تبقي غلطان 
وتلم ملك هدومها وهي بټعيط وبتفتكر كل إلا عمله عمر وازاي كان السبب فى انها يوصل بيها الحال لكدا 
ولسه بتخرج من الأوضة تلاقي تميم جه من برا ومعاه بوكيه ورد كأعتذار منه علشان زعقلها امبارح بس يقف تميم مستغرب لما شاف شنطة هدومها ووشها باين عليه العياط ...
تميم مالك ي ملك وليه مطلعه شنطة هدومك من الأوضة!! 
ملك تبص والدموع في عنيها وبوكيه الورد دا كمان تكملة شفقتك عليا ...
تميم نعمم !! شفقة ايه  
ملك طلقنى ي تميم ...
تميم پصدمة ملك أنتي اټجننتي مالك ايه الا حصل !
ملك خلاص ي تميم كفاية تمثيل وغموض لحد كدا انا عرفت كل حاجة... جوازك مني كان شفقة علشان مكنش زي اختك في الاخر مش كدا !! 
تميم يتفاجئ ويبصلها بحدة وپصدمة أنتي بتقولي ايه مين قالك الكلام دا ...
ملك بزعيق وعياط لو مصمم تكمل الكذب دا كمله لوحدك انا عاوزة أطلق مستحيل هعيش معاك بعد انهاردة ...
تميم مين قالك الكلام دا ي ملك ردي عليا 
ملك مش مهم مين قال المهم اني اعرفت 
اتجوزتنى علشان شفتنى ضعيفة صعبت عليك قولت تتجوزني مش كدا !! 
تميم يسكت ومش يرد ...
ملك لقيتها قدامك فرصة تتجوزنى علشان يبقي ضميرك مرتاح وشفقة منك وبكدا كمان مش هتكون مضطر انك تعمل حاجة ڠصب عنك ولا تدخل واحدة تانية حياتك بعد مراتك صح ...
تميم يغمض عينيه وباين عليه الۏجع من كلامها ومش قادر يرد ...
تصرخ فيه ملك اكتر وبعياط جاوبنى مش دي الحقيقة !! ساكت ليه ما تتكلم 
انا كمان بالنسبة ليك مليش حق انى افهم ولا اعرف حاجة عن الشخص إلا شايله اسمه ولا اعرف انا في حياته بصفة ايه .... وتمسح دموعها وتقول بس ما هي كل حاجة وضحت اهو ترد ليه واحدة بتعطف عليها علشان تعدي المرحلة دى من حياتها مش كدا 
يخرج تميم من صمته وبصوت كله ۏجع وحزن
كفاية ي ملك ... انتي مش شفتى إلا انا شفته داليا كانت بټموت قدام عينى ومقدرتش اعملها حاجة ...
كل ذنبها انها حبت واحد ملوش علاقة بصنف الرجالة غير اسمه وبس ... وهمها انه بيحبها وفضل معلقها بيه سنين وفي الاخر سابها بعد ما خلاها تتعلق بيه لدرجة المۏت ويدمع تميم ويكمل انا وصلت بيا اني رحتله وقولتله تعالي
اتقدملها وهساعدك في كل التكاليف بس مش تسيبها في الحالة دي رفض وهي فضلت مكتئبة وحالتها بتدهور قدامى كل يوم عن اليوم إلا قبله ومش قادر اعملها حاجة حتى الدكاترة مش قدروا يعملوا حاجة وهي جسمها رافض العلاج ....
اڼتحرت ورمت نفسها من شباك أوضتها وماټت 
ماټت علشان واحد كلب مش يستاهل ...كنتي عاوزانى اعمل ايه وانا شايفك ماشيه ع نفس خطاها 
مش كنتى بتسألينى انا عرفت أزاي انك مرتبطة بحد يوم ما جيت اتقدمتلك...
يمسح تميم دموعه ويقول شفت في عنيكى أول ما دخلتى نفس النظرة إلا دايما كنت بشوفها في عيون داليا ... مكنتش نظرة واحدة لسه هتشوف عريس لأول مرة... صممت انى اكمل في موضوع الخطوبة علشان اخليه يحس انك ممكن تروحي منه وييجى يتقدملك لو بجد بيحبك ... بس أنتي شفتى بنفسك إلا حصل ... 
ملك ليه مش قولتلي وليه زينت الأوضة يوم فرحنا !! وليه كنت ساكت وانا بزعقلك 
تميم لأنك مكنتيش هتوافقي تتجوزنينى كان هيبقي موقفك نفس موقفك دلوقتى ...
انما مفاجأة يوم الفرح انا كنت قاصدها كنت قاصد انى اخليكى تتصدمي وتفوقي وتعترفي  انه خلاص مش بقي معاكي ... وقت ما زعقتيلي وانتى بتعيطى ع قد ما كنت زعلان لوجعك دا ع قد ما كنت فرحان لأنك قدرتى تستوعبي انه خلاص بقي برا حياتك من اليوم دا ...
ملك بس انا قوية وكرهته فعلا وكنت ممكن اتخطي الفترة دى لوحدي ...
تميم انتى بتضحكي ع نفسك ي ملك ...
كلمة انا بكرهه إلا بتطلع من لسانك دي عكس إلا موجود في قلبك ...