قصة وقعت في شباكة الفصل الثالث والرابع

روحت اوضتي وانا متعصب ...كان نفسي اهد الدنيا علي دماغها ...ازاي هي مش غيرانة ..ازاي هي مش متغاظة....انا بس اللي ھمـ،وت  من الڠيظ ....نظراتهم لبعض جننتني....شهد بتتعامل معاه بأريحية وده ضايقني رغم اني واثق في أخلاقها ...صحيح بكرهها بس واثق انها مش هتبص لحد تاني غيري!! بصتلي سها بحيرة وقالت :
-مالك يا أمير بس شكلك عايز تقتل حد 
قعدت وحكتلها علي. كل حاجة  
بعد ما خلصت بصتلي بشك وقالت:
-امير انت بتغير علي شهد ؟
بصتلها بصډمة وبعدين ضحكت بتوتر وقولت :
-انتي اتجننتي صح ؟!!اغير  علي مين شهد ؟!
ضحكت تاني وقولت : 
-انت مجڼونة يا سها ...روحي اكشفي علي مخك يا ماما 
قمت بسرعة ودخلت الحمام وانا قلبي بيدق بسرعة ....لا لا ده مستحيل ....شهد مين اللي اغير عليها ده انا مش بطيقها ولا هي ولا امها ....انا زعلان لان مفروض هي اللي تغير عليا ....ايوة مفروض هي اللي تتكسر ...هي اللي تتغاظ مش انا لكن هي متهمنيش....بس برضه لازم احط حد لعلاقتها مع البني ادم اللي اسمه حسن ...حتي لو بنت خالته ميكلمهاش ولا يقرب منها كده
.........
روحت اوضتها ....قابلتني ببرود تام وكانت بتشوف الطقم اللي هتلبسه وتجاهلتني تماما 
-انتي بتعملي ايه ؟
ردت ببرود وقالت:
-بشوف طقم مناسب عشان عزومة ابو علي 

-احنا مش رايحين 
- لو انت وسها مش عايزين تروحوا براحتكم...انا رايحة 
- وانتي مش هتروحي يا شهد 

- ليه
-هو كده وخلاص ...مراتي وانا حر 
-مش هبقي مراتك علطول 
اتوترت وقولت :
-يعني ايه 
-يعني قريب هنتطلق وننهي المسرحية السخيفة دي 
- وانا مش هطلق
-يبقي تتخلع
-نعم يختي 
ابتسمت وقربت مني وقالت :
-هخلعك يا امير ...و مش كده  وبس ...انا كمان هتجوز بعد العدة 
-ايه!!!!
هزت كتفها وقالت :
-سمعتني هتجوز 
ساعتها حسيت ان بركان من نار انفجر في قلبي 
-انتي بتقولي ايه انتي اتجننتي يا شهد ؟! 
- لا انا عقلت وخلصت من وهم حلك في اليوم اللي كسرتني فيه ...انا مش هكمل في علاڤة سامة زي كده ....مش هكمل مع واحد معقد زيك ...بينتقم من ست ميــ،تة في بنتها