قصة وقعت في شباكة الفصل الخامس والاخير

-ماما 
-اخرس...اخرس يا امير ...خيبت املي فيك ...انا كنت حاسة انك ناوي تكسرها...بس.مقدرتش أقف في طريق سعادتها لانها للاسف حبت واحد شراني زيك 
دمعت عيون امي وقالت :
-ليه كده يا امير ...دي تربيتي ليك تكسرها...دي يتيمة ملهاش غيرنا ليه تعمل كده 
حطيت وشي في الارض وانا مكسوف ....عيوني دمعت مكنتش قادرة اواجهها .
-اومال فين صاحبة الصون والعفاف سها هانم ..ده انا جايبلها ابوها عشان يلمها ...مصدقتش لما حسام صاحبك قالي علي خطتكم المنيلة
- يا ماما 
-اتصل بيها 
زعقت فيا فاتصلت بسها عشان تيجي 
....
بعد شوية كان صوت قلم جامد طبع علي وش سها من ابوها ...حطت سها ايدها علي خدودها وبكت ..مقدرتش تتكلم 
-ادي اخرة تربية امك ...طلعتلي واحدة فلتانة ورخېصة 

-طيب كنت ربتني انت بڈم ..ا مشغول بمراتك التانية يمكن كنت اطلع محترمة 
شد شعرها  وزعق :
-وكمان ليكي عين تردي عليا  ...انا هقتلك 
جات امي ووقفت بينها وقالت :
-بنتك صحيح غلطت يا استاذ أشرف بس غلطك انت ووالدتها اكبر ...معلش كنتوا فين لما سافرت مع واحد غريب  ها 

-ايوة صح كنتوا فين 
صړخت سها بطريقة فزعت امي 
-بسمھ الله الرحمن الرحيم مالك يا بنتي ..مش كده 
قالتها امي فزقتها شوية سها وهي بتمسح دموعها وبتقول :
-لا انا من النهاردة مش هسكت عن حقي يا طنط ..كنت فين يا بابا..وامي كانت فين ...انتوا مهتمتوش بيا ...محبتونيش ...انت انشغلت بمراتك وروحت تربي عيالها وامي انشغلت بجوزها وراحت تربي عياله وانا بنتكم راميني عند جدتي زي الكلپة عايشة زي اليتيمة وانا ليا اهل....انتوا بتكرروا غلط ابو امير ...بتزرعوا فيا  نفس اللي اتزرع في امير ....حد فيكم فكر فيا ...فكر انا محتاجة ايه