رواية كاملة بقلم شيماء عصمت

انت وانا هخلص وهحصلك
صخر بتريقة بعيدا عن انك قاطعتيني وانا بتكلم بس كانك بتامريني!!
عشق ب براءة انا!!! لا خالص انا بس عايزاك تطلع تغير عشان ناكل
صخر بسخرية اها قولتيلي تاكلي! الله اكبر عليكي بقيتي بتاكلي بكميات مش معقوله الله يرحم اول ماجيتي هنا كنتي بتاكل زي العصافير
كريمة قول ما شاء الله ياصخر انت هتحسدها ولا ايه!!
صخر ب استغراب احسدها ايه بس ياامي لا طبعا وكمل وهو قاصد يغيظ عشق بس هي لو فضلت على الوضع دا كتير هتبقي زي الكورة
عشق پغضب لا والله ابقي زي الكورة! ثم انا كل يوم بالعب رياضة مش زي ناس
صخر هنكدب بقى بتلعبي رياضة فين ان شاء الله! انتي طول اليوم معايا!! وبعدين زي ناس ازاي انتي بتلقحي عليا بالكلام! انا بلعب رياضة كل يوم بالليل وحضرتك نايمة وبتشخري
عشق پصدمة انا بشخر 
صخر ببرود اه بتشخري
كريمة بااااس انت وهي صدعتوني ولا كانكم عيال صغيرة اطلع ياصخر شوف هتعمل ايه
صخر انتي بتطروديني يا امي ولا انا بيتهيئلي!
كريمة ببرود لا بطردك
مريم قصف جابهه ياكبير
عشق ضحكت عليه بصوت عااالي
صخر بغيظ شكرا ياست الحبايب
قال كلامة وطلع علي اوضته
مريم شدت عشق من ايديها وقعدتها جمبها وابتدات تفرجها علي الفساتين اللي عشق هتختار منها اللي هتلبسه في الحفلة بكره
كريمة قامت تشوف العشا جهز ولا لسه
__________
مريم ايه رايك ياعشق في الفستان ده! روعة مش كده قالت كلامها وهي بتشاور على فستان احمر قصير جدا فوق الركبة .. بحملات وبضهر مكشوف
عشق هو فعلا
روعة بس عريان اووي وقصير جدا
مريم بس انتي مش محجبة وممكن تلبسية عادي
عشق انا فعلا مش محجبة

بس مستحيل البس حاجة زي كده وانا اصلا بقالي فترة كبيرة بفكر اتحجب
مريم بجد هتتحجبي! 
عشق مالك اټصدمتي كده ليه بأذن الله هتحجب
مريم يعني مش هتلبسي الفستان ده دا حلو اووي
عشق لا طبعا هلبسه بس ف اوض
ملحقتش تكمل كلامها واټفزعت من صوت صخر الجهوري نهارك اسود يا عشق انتي ناوية تلبسي المسخرة دي
عشق پخوف مسخرة ايه! انا لسه بقولها
صخر پغضب ولا كلمة! ايه هتكدبي انا لسه سامعك بوداني وانتي بتقولي لمريم لا طبعا هلبسه اسمعي شغل المسخرة وقله الادب دا مش عندي مفهوم! ومتتكلمش مع اختي في المسخرة دي تاني لاحظي انها لسه مراهقه ياانسه ياكبيرة .. لو ناصر عمران معرفش يربيكي انا اللي هربيكي يا هانم
عشق بتسمع كلامه وهي پتبكي حاولت تسيطر علي دموعها وتبينله انه كلامة ماثرش فيها بس مقدرتش
كل كلمة قالها جرحت كرمتها وكبريئها واحترمها لنفسها ازاي سمح لنفسه يقولها الكلام ده ازاي يهنها بالشكل ده!! بصتله نظرة وجعته نظرة الم واحتقار ليه وقالت بصوت حاولت تخليه ثابت في اي اهانه ليا تاني ولا خلصت
صخر للحظة اتتجمد لتاني مرة تقوله انه بېهينها هو مش قاصدة ولا كلمة من اللي قالها مش قاصدة نهائي ېهينها او ېجرحها بالطريقة دي هو بس غيران وغيران جدا كمان فكره انها ممكن تلبس الفستان ده وحد يشوفها بيه سواء راجل او ست حړقت قلبه حرفيا كل الكلام اللي قاله اللي تقريبا مش فاكر ربعه كان ناتج عن غيرته غيرته اللي مبيقدرش يسيطر عليها بس هي بردوا غلطانه ازاي تفكر مجرد تفكير انها تلبس قميص النوم دا!! ..اصل دا مستحيل يكون فستان!! قاطع شرودة صوت والدته
كريمة انت اټجننت ياصخر ايه اللي هببته دا
صخر انا بردو اللي اټجننت أسألي الهانم المحترمة كانت عايزة تلبس ايه
كريمة پغضب تصدق بالله انا معرفتش اربيك ياصخر!! انا مش عايزة اسمع منك ولا كلمة كفاية اووي اللي قولته
كريمة قربت من عشق وضمتها لحضنها! عشق وكأنها كانت مستنيه الحضن دا وبكت ب اڼهيار عيطت بصوت عالي بۏجع پقهر!
كريمة ومريم عيطوا على عياطها
اما صخر كان هاين عليه يركع قدمها ويعتذر الف مرة بس متبكيش بالطريقة دي!! متتوجعش بالشكل ده!!
كريمة اخدت عشق وطلعتها ل اوضتها اوضة كريمة
صخر قاعد وحط راسه بين ايديه مريم قعدت جانبه وبصتله بعتاب وضيق
صخر اتنهد بصوت عالي وبصلها عايزة ايه يامريم انتي كمان
مريم بلوم ليه كده ياابيه ازاي تكلم عشق بالطريقة دي وكمان قدامي
صخر بحدة هو انتوا كلكوا هتجيبوا الغلط عليا مشفتيش هي عايزة تلبس ايه
مريم بغيظ انت اللي مبتشوفش ياابيه
صخر ولزمته ايه ابيه بقا!! اقولك قومي اضربيني قلمين احسن
مريم والله تستاهل 100 قلم مش اتنين بس
صخر پغضب بيحاول يتحكم فيه مريم انتي من اول ما اتولدتي عمري ما مديت ايدي عليكي بس شكلي همدها دلوقتي
مريم بتوتر افهم بس ياابيه انت بوظت الدنيا خالص ومش فاهم حاجة
صخر بنفاذ صبر طب فاهمين
مريم قالتله كل كلمة قالتها عشق وانه فهم كلمها غلط وحكم عليها من غير مايسمع الكلام من اوله .. صخر حرفيا كان عايز يضرب نفسه 100قلم يستاهل 1000 قلم والله هيعمل ايه دلوقتي! هيصالحها ازاي!! هيخليها تسامحه ازاي اذا كان هو مش مسامح نفسه
صخر بتنهيده عاليه ياالله يامريم طب مقولتوش من الاول ليه
مريم بغيظ انت دخلت فينا زي القطر معرفناش ننطق حتي
صخر هعمل ايه دلوقتي انا بوظت الدنيا خالص
مريم صالحها
صخر بصراحة من غيرك مكنتش عارف هعمل ايه!! الفكرة اني اصالحها ازااااي!!!
_______________
اما ف اوضة كريمة كانت قاعدة وواخدة عشق في حضنها وعشق لسه پتبكي
كريمة بحنان حقك عليا يابنتي انا اللي معرفتش اربيه بس هعيد تربيته من اول وجديد قليل الادب دا
مسكت وشها بين ايديها ومسحت دموعها بحنان متبكيش ياعشق مفيش حد فالدنيا يستاهل دموعك صدقيني صخر مايقصدش هو بس غيران
عشق پصدمة غيران!! لا طبعا حضرتك فاهمة غلظ هو بس بيحب يتحكم فاللي حواليه مش اكتر
كريمة بتاكيد لا غيران ياعشق وانتي من جواكي حاسه انه غيران عليكي متنكريش على الاقل متكدبيش علي نفسك
عشق وهي بتهرب من عيون كريمه الغيران بيكون بيحب وصخر متجوزني عشان
قاطعتها كريمة عشان ايه!! هتقوليلي عشان ديون ابويا!! هقولك لا ياعشق صخر مش كده ابدا
عشق بحيرة اومال اتجوزني ليه!! اشمعني انا! في حاجة مش مظبوطة سبب جوازه مني مش مقنع ابدا وخصوصا بعد ما عشت مع صخر رغم اني عرفته من مده قليله بس قدرت افهمه الي حد ما يبقي اتجوزني ليه
كريمة دا اللي لازم تعرفيه ياعشق صخر مبيجيش بالعند خليكي بارده معاه
عشق باستغراب باردة!! ازاي يعني
كريمة زمان صخر دلوقتي عرف الموضوع من بدايته من مريم وضميرة هتلقيه مقطعة
عشق ضحكت علي تشبية كريمة
كريمة اه والله زيمبقلك كده صخر من الاشخاص
اللي الحمدلله ضميرة صاحي وصاحي اووي كمان .. ف ذمانه مقطع نفسه تحت وھيموت ويصالحك فانتي بقي اتقلي عليه

ومتتصالحيش بسهولة
عشق باستغراب متصالحش بسهولة!! ليه!
كريمة بتوضيح عشان يحرص المرة الجاية وميتسرعش في كلامة معاكي يبقي عامل حساب لزعلك وقت عصبيته يفكر في كلامة قبل مايقولة فهماني ياعشق
عشق بتلقائية فهماكي ياماما
كريمة عيونها دمعت من الكلمة اللي طلعت بتلقائية عشق بحب هتصدقيني لو قولتلك اني حسيتك امي وبتنصحيني مش حماتي ابدا من هنا ورايح هقولك ياماما لو ميضايقش حضرتك
ردت كريمة بانها حضنتها اوووي انتي غلاوتك من غلاوة مريم ياعشق وطبعا مايضيقنش لو قولتيلي ياماما بالعكس دي حاجة تسعدني جداااا
كريمة كملت كلامها پخوف ضاهر عشق انا عايزة اقول ان انا فعلا اا..............ونكمل بعد التفاعل
كريمة كملت كلامها پخوف ضاهر عشق انا عايزة اقول ان انا فعلا اا وسكتت
عشق بتركيز كملي ياماما سكتي ليه
كريمة ب ارتباك ملحوظ انا فعلا اا اه عايزة انام .. اه انا عايزة انام الوقت اتاخر
عشق ب احراج طب تصبحي علي خير هروح اوضتي
كريمة ب توبيخ انت هبله يابت مش قولتلك متتصالحيش بسرعة! رايحة تنامي ف اوضة صخر ليه
عشق بنبرة علي وشك البكاء اومال هنام فين!!
كريمة بحنيه هنا جانبي وف حضڼي
عشق ب سعادة طفولية وعيون بتلمع بجد هنام معاكي ياماما
كريمة بدموع بتحاول تسيطر عليها بجد ياعيون ماما تعالي .. كريمة فردت نفسها ع السرير بهدوء وفتحت ايديها لعشق انها تنام فحضنها وعشق لبت النداء بلهفة وشوق! احساس اتحرمت منه طول عمرها عمرها ماجربته بتحس ان كريمة زي امها فعلا!! بتعيش معاها اللي كانت بتتمني انها تعيشه مع والدتها الله يرحمها نامت في حضڼ كريمة بسعادة مفيش كلام يوصفها!! كريمة بتلمس على شعرها بحنان لحد ماعشق راحت ف سابع نومه .. كريمة بصه ل عشق اووي وكانها بتشبع من ملامحها!! وكانها بتحفظها!! دمعة نزلت من عنيها مسحتها بسرعة واتنهدت بصوت حزين! مكسور!! ودعت من قلبها الايام اللي جايه تعدي على خير وان الحمل اللي شيلاه ينزل عن كتافها وترتاح لانها تعبت ... بس عشامها ف ربنا كبير .. ويادوب عيونها بتروح ف النوم سمعت خبط على باب اوضتها .. قامت بهدوء عشان عشق متصحاش وفتحتت الباب كان صخر
كريمة بهمس غاضب خير
صخر فين عشق ياامي! عندك!
كريمة ايوه عندي وهتفضل عندي
صخر پغضب بيحاول يتحكم فيه يعني ايه هتفضل عندك!
كريمة ببرود واطي صوتك عشق نايمة
صخر طب ياامي تعالي نتكلم في مكتبي
بمرور الوقت كريمة وصخر كانوا قعدين فالمكتب
صخر ممكن اعرف يعني ايه عشق هتفضل عندك! الكلام دا معناه ايه!
كريمة اللي فهمته ياصخر عشق هتفضل عندي طول ما انت مبتحترمهاش طول ما انت مبتعرفش تسيطر على عصبيتك وغيرتك عليها طول ما انت بتهنها وتيجي عليها هتفضل عندي ومش هسمحلك ابدا تغلط ف عشق حتى لو هطلقها من ياصخر
صخر پصدمة حضرتك بتقوليلي الكلام ده ليا انا!
كريمة ببرود اعتقد مفيش حد هنا غيرك!! ف الكلام فعلا ليك انت
صخر بس عشق مراتي والمفروض تبقى معايا ومرة قولتلك ياامي بعد اذنك متتدخليش بيني وبينها انا جوزها وا
قاطعته كريمة بقوة وشراسة وانا امها ياصخر عارف يعني ايه امها!! عشق بنتي ومش هسمح لاي حد بعد كده ېجرحها حتي لو بكلمة هدمر اي حد هيحاول يأذيها وكملت پبكاء واڼهيار حتى لو الحد دا انت ياصخر كفاية اللي هي شافته طول حياتها!! كفاية ضړب واهانه فيها!! كفاية انها اتحرمت مني! من امها! كفاية اللي عمله معاها ابوها! مش بعد دا كله تيجي انت وتكمل عليها مش هسمحلك ياصخر مش هسمحلك ابدا انا ماصدقت اني اشوفها انها تبقى معايا في بيت واحد اني احضنها واشم ريحتها اني اقدر احميها ياصخر
صخر بحزن قرب منها وضمھا كريمة بكت ف حضنة ب اڼهيار بمرور الوقت كريمة كانت هديت شوية
صخر طيب كفاية عياط حقك عليا انتي عارفة انا بحب عشق قد ايه!! لا مش بحبها انا بعشقها عمري مافكرت ااذيها انا بخاف عليها اكتر من نفسي! مش عارف بيحصلي ايه لما بحس بالغيرة