وشم

تانى
لاقيته قاعد ووشه أحمر ونفسه عالى وحسيت إن فى كارثه فقلت أمشى بهدوء وحبيب قلب ماما يروق نبقا نتكلم
فاضيه النهاردة
احم هه لا والله ما فاضيه لسا هعمل الغدا واروح اجيب سراج من المدرسة واروق البيت واظبط دولاب واغسل و
بس خلاص سراج هكلم اختى
_
تخده عندها انت بقا عايزك تفضيلى نفسك خالص
ليه
الجرس بيرن هفتح وأجيلك
طلعت ورءاه وكان واقف مع بنتين وبيقولهم اتفضلوا والبنتين حقيقى كانوا حلوين جدا
مين دول انت بتخونى
بخونك ايه يا مجنونه دو...
صبرنى..بصوا اهى عايز ميك اب سيمبل جداا واهو دريس..يلا خدوها
يسطا فهمنى يسطا
اشوفك بليل ى مكنه

وفعلا البنتين عاملولى ميك اب راقى جدا ولبست الدريس اللى قال عليه كان أسود وسك وفيه حزام لونه دهبى ولفيت الطرحه اللى كانت لون الحزام وهيلز اسود ومدة كنت خلصت وهو دخل كان لابس بدله سودا وكالعادة جنتل والله هربان من هوليوود
هو احنا
سفيان بمقاطعة بس فضولية هانم تعالى يلا
ركبنا العربيه و وقف عند بيت اخته اللى نزلت وكان معاها سراج اللى كان لابس بدلة زى سفيان وده اللى بين قد اي هما شبه بعض جدا وشويه وصلنا لقاعه افراح ونزل وفتح الباب ومسك إيدى ودخلنا وهو ماسك ايدى وماسك ايد سراج ودخلنا الفرح ودخلنا سلمنا على العريس والعروسه واعتقدت ان ده فرح صاحبه
العروسه سراج حبيب ماما
مبروك
سفيان مبروك يا صااحبي
الله يبارك فيك..مراتك
قالها وهو بيشاور عليا وقبل ما ارد واقول اه كان سفيان قربنى منه
اها مراتى
مبروك يا سفيان
ومبروك عليك يا صاحبى بواقى غيرك
قالها وغمز
مفهمتش بس حسيت الجو مشحون فنزلنا وقعدنا على ترابيزة وبدأت ناس كتير تيجى تسلم على سفيان وبدأ يعرفهم عليا لان فرحنا مكنش فيه حد تبعه نهائى غير اتنين بس صحابه بس حسيت قد ايه كلمة مراتى حلوة حدا بعد ربع ساعه كنا مشينا
فى العربيه.
كل ده عشان نقعد ربع ساعه بس!
اها بنعمل واجب
هو انا ليه محستش انك متفق انت وصاحبك العريس
بالعكس ده صاحب عمرى عشرة 20 سنه ده وعيت على الدنيا لاقيته
اها بس العروسه حلوة تصدق فيها شبه كبير اوى من ملامح سراج بجد
عشان هى امه
حسيت إن دنيا بتلف بيا! يعنى ايه دى ام سراج يعنى دى طليقه سفيان! يعنى طليقته اتجوزت صاحبه! فضلت ساكته بس عقلى مش راضى يهدأ
سفيان ممكن تودى سراج لعمته ونقعد فى اى مكان نتكلم
سراج بهدوء ماشى يابابا
وصلنا ونزل وسراج كان طالع لعمته بعدين رجع تانى وحضن سفيان كنت حاسه انه مش طفل لسه لا أنه راجل وشايل حمل تقيل وبعدين بعدوا عن بعض وبص ليا خد بالك من جوزك يا فوزيه ابتسمتله وطلع.
هركن العربيه ونتمشا على البحر....يلا بينا
أنت كويس
كنت بحبها اتعرفت عليها بعد ما اتخرجت وحبيتها جدا وعافرت عشان اتجوزها واتجوزتها وربنا رزقنى منها بأحلى هديه فى الدنيا سراج وبدأت انشغل فى شغلى و فى يوم كنت مروح من الشغل وبركن العربيه لاقيت صاحبى وعشرة عمرى نازل من شقتى مخدش باله منى ونزل وطلعت فوق افتكرته كان جاى عاوزنى بس هيجى ليه ما هو معايا فى نفس الشغل وعارف ان مش هروح دلوقتى عديت اليوم عادى وبليل مسكت موبايل بتاعها ولاقيت شات بينهم ومكالمات بعدد ساعات كتيرة وقتها حسيت ان الكون كله خذلنى كنت حاسس ان تايه بس ادركت الموقف وتانى يوم من
غير ما تعرف ركبت كاميرا عند باب الشقه وقلتلها ان هسافر يومين اشوف اختى اللى متجوزة فى محافظة تانيه وفضلت مراقب الشقه من كاميرا اللى متوصلة ب موبايلى لحد
بص ليا وبص للبحر واتنهد وهو بيغمض عينه اللى كنت الدموع محپوسة فيها
لحد ما جه وخبط وفتحتله و فى خلال عشر دقايق كنت وصلت وفتحت الباب و هو اتنفض واتوتر وهى وشها جاب مية لون وكنت هسيب نفسى لشيطانى
واقتلهم بس هواجه ابنى ازاى لو قټلت امه فضلت واقف باصص ليهم لكام ثانيه وهو نزل بسرعه من الشقه منزلتش ورءاه بصيت لأبنى اللى كان نايم وبصيتلها وهى بترتعش اخدتها لبيت ابوها ورمتها ليهم 
بصيت له بهدوء وقربت ايدى وحضنت بيها إيده اللى كانت بترتعش بص ليا ورجع كمل كلامه
مش رضيت اطلقها وكانت واثقه انها لو رفعت قضيه هتخسرها سيبتها لمدة 6 سنين على ذمتى ع الورق بس لحد لحد ما شوفتك فى فرح واحدصاحبى من سنة وقتها كنت انت صاحبة العروسه روحت مع صحابى وسيبت سراج ولما جيت لاقيتك بتربطى له رباط الكوتشى وابتسمت ومشيت.. مر مدة وصورتك مش مفارقه خيالى وحسيت فيكى أم وتصلحى انك تبقى ام لسراج كان شكلكم كأن طفل وابنها او خيالى رسمك كدة! فطلقتها واتجوزتك بس
خلص كلامه وحضنى مهتمتش بنظرات حوالينا بس حضنته كأنى أم وده حضنها الاول ل اول طفل لها كنت حاسه بدموعه وتنهيدته و بعد مدة بعد
انا عارف إن مش الشخص اللى صبرت ده كله عشانه وعارف إن مش شبهك وإن فيا عيوب كتير بس صدقينى بحاول انا عامل شبه اللى عمل حاډثه قوية على طريق ومن يومها وهو بېخاف من الطرق.
هعلمك تعدى الطرق تانى هكون الطريق اللى عمره ما هيخذلك.
اليوم ده من بعده بدأت حياه تانيه حياة اهدأ وأرق وبدأت اشوف دنيا من منظور تانى اللى يشوف سفيان ميقولش ابدا أنه فى كل ۏجع ده! كل ناس بتحكم من مظاهر من مشهد ومحدش فارق له الكواليس حتى ان سامحت أمى ع قسۏتها عشان أتجوز وحطيت نفسى مكانها ولاقيت انها كانت ع
حق!.
كان التفاهم مع سفيان صعب كان ديما محتاج مبررات تفسير لكل حاجه بدأت افهم دماغه واتعامل عليها وواحدة واحدة بدأ ترجع ثقته فى معظم ناس اللى حواليه ترجع بحد مناسب و بدأت اداوى جرحه مفتكرش ان فى مرة حاولت اثير غيرته لان راجل زى سفيان هيبقا صعب السيطرة على الموقف لو غار!
افتحلى برطمان الصلصه
اتحايلى عليا
ممكن تقتحلى البرطمان يا سو
سراج تخيل تبقا ظايط وليك شأنك ويتقالك يا سو!
تبقا شوفى مين هيفتحلك البرطمان يا سديم جبتلنا الكلام من اللى ميسواش
سراج تعالى يا سديم يا حبيبتى افتحهولك
اتقدم بحركة درامية واخد البرطمان وفتحه
سراج ايوة المس فى المدرسه قالت ان الام هى اللى بتساعدنا فى الواجبات وبتعملنا الاكلات اللى بنحبها وبتهتم تتطلعنا فى احسن صورة وبتحاول تفرحنا من غير مقابل وبتعلمنا ازاى نقرب من ربنا يبقا كدة انتى ماما ومفروض اناديك ماما
حضنته وعيونى دمعت ايوة قولى ماما يا حبيبى انا ماما
بعد سنه..
صباح الخير..فضلت مستنياك مبارح اتأخرت ليه !
كنت بعمل حاجة كان لازم اعملها من زمان
اللى هي ..ايه شيلت الوشم!!
اها ايه رئيك مفجاءة ديي
دى تجنن..
انتى عارفه كان معناه ايه
لا تثق بالالمانى
وبقيت بسببك بثق
الله!
الله!
مش قلتلى مش هتوقعينى تؤ تؤ مش انا
!
قلت بس محلفتش! اصل هقولك اللى حصل
عايزاك تقولى
موضوع اختصرته الست فى جملتين صالحت بيك ايامى...سامحت بيك الزمن
وتظن أنك أقلهم رزقا والله يخبئا لك من القدر أجمله!
تمت...