قصة جميلة كاملة

البلواي يعني عندي بلوة مش طايقها كنت فاكرها صديقتي بس دلوقتي عرفت انها هتفضل بلوة حياتي 

فريده طب يلا امشي دلوقتي بقي 

عمر لينا لقاء جديد يا بلوة حياتي

فريده لا سمح الله بدعي ربنا اني ما اجتمعش بيك تاني

عمر علي فكرة في امل إن إحنا نتجوز خلي ده في بالك 

فريده مستحيل انت لو آخر راجل على وجه الارض مستحيل اتجوزك 

عمر شغل القدر بقي مش هتقدري عليه

فريده اقتل نفسي ولا اكون مراتك 

عمر بس لحسن في المستقبل تحاولي تقتلي نفسك علشاني ... سلام يا بلوة حياتي 

فريده غووور يا نحس 

عمر مش وفريده بدأت تكلم نفسها 

فريده الزفت بهدلني يا تري هيثم بيفكر فيا ازاي دلوقتي ...ده لو كان في أمل إنه يحبني .. الأمل راح بسبب الزفت عمر...اكيد هيثم دلوقتي واخد عني فكرة مش كويسة عني 

فريده ماشية بيتها لقيت هيثم قدام بيتها 

فريده هيثم إنت ما مشتش في حاجة ولا إيه

هيثم كنت عايز اتكلم معاكي في حاجة

فريده اتفضل

هيثم بصي يا فريده نصيحة مني ليكي مالكش دعوة ب عمر ده عشانك عمر مش بتاع علاقات لمدي الحياة...هي علاقته بالبنات كلها يومين عمر هيجرحك ابعدي عنه

 فريده بس مفيش حاجه زي ما انت متخيلحكت لهيثم كل حاجة حصلت

هيثم طيب كويس يا فريده بردو نصيحتي ليكي اعملي بيها عشان إنتي اختي يا فريده ومشي هيثم

فريده ھتتجن بجملة انتي اختي يا فريده وبتكلم نفسهااختك يا حيوان انت بتقول ايه انا بحبك وبحلم باليوم اللي اكون فيه معاك عااااا 

عمر نزل من عربيته ووقف عند طريق البحر وقعد كده علي عربيته وبدأ يفكر في فريده البنت اللي قلبه اختارها قلبها هي مع افضل صديق ليه محتار يعمل إيه يبعد عن فريده ويجمع بين حبيبته وصديقه المقرب ولا يقرب منها بقلب جامد لأن صديقه مش بيبادلها بنفس المشاعر 

في شركة عمر وهيثم

هيثم عمر مش ناوي نروح نسهر في ال Nahit club بقالك فترة متغير

عمر رجع بالكرسي بتاعه ورا وملس علي شعره امممم مش عندي دماغ للموضوع يا هيثم

هيثم إنت كويس يا عمر إنت سخن ولا حاجة يا ضنايا

عمر اتلم ياض قال ضنايا قال ..

هيثم لأ مالك يا عمر مش من عادتك

عمر مفيش يا بني عادي ...بقولك تعرف فريدة من ايمتا

هيثم من ايام الابتدائيه ..كانو جيرانا بس إحنا نقلنا .... إيه ده إنت بتسأل ليه

عمر لأ عادي مفيش مجرد سؤال مش اكتر

هيثم لو عينك منها بلاش إنت مش قد عمها

عمر وماله عمها

هيثم صعيدي يا بني لو فكرت تلعب بديلك معاها هيقتلك ..

عمر يا خي اتنيل يعني هسيب عارضات الازياء والممثلات اللي بيجرو ورايا عشان واحدة زي دي!!!!!

هيثم بس يا عمر متنكرش البت موزة ولا عارضات الازياء والممثلات يا قلبي

عمر احم احم شكلك إنت اللي عينك منها

هيثم إن جيت للحق اه البت أصلا كلها علي بعض تتاكل بس احنا متربين مع بعض .لو كلمتها هتقولي إحنا اخوات

عمر بصوت واطي. وكور ايده من الڠضب بسبب كلام هيثم لأ وانت الصادق دي واقعة في دباديبك

هيثم بتقول إيه مسمعتش

عمر لأ ولا حاجة

هيثم طب انا رايح ال Nahit club يا كبير خليك إنت في الملل ده ومشي

عمر انا خلاص وقعت في الحب ولا حد سمي عليا

في بيت فريدة

فاطمة ام فريده خلاص يا فري صرعتيني عرفت بكرا أول يوم شغل ليكي اهدي

فريده مش مصدقه يا ماما أخيرا هشتغل في وظيفة احلامي

 أسيل  اخت فريده انا خاېفة عقلك يتلحس يا فري والله

فريده بالذات انتي يا سيلو اتلمي لحسن تنقي واطرد من أول يوم

 أسيل  بهزار روحي يا فري يا بنت هشام اشوفك مطرودة في اول يوم ليكي

فريده زعلت

 أسيل  آسفة يا فري

فاطمة جزت علي أسنانها مش قولت يا أسيل  بلاش نجيب سيرته

فريده خلاص يا ماما معلش مزعلتش هو اللي مفروض يزعل خليه هو مع مراته وعياله التانين إحنا مالناش اب ... وإنتي يا أسيل  اياكي تجيبي سيرته تاني إحنا مش عندنا اب... مش هو اتجوز غير ماما... ياريت كده وبس..من ساعة ما اتجوز هو طلق ماما....قولنا ماشي هيفضل ابونا ...بس سافر ومش سأل علينا لا عارف إحنا عايشين ولا ميتين ...لو كان مېت كان هيكون اهون...لكن يكون عايش ومش بيسأل عننا مؤلمة جدا... هيفضل في نظري مېت اهون بكتير...ماما هي أبونا وأمنا يا أسيل  

 أسيل  هو في زي بطوط .وحضمو الاتنين أمهم

فاطمه طب يلا نامو ...يلا يا فريده عشان مش تتأخري علي أول يوم شغل

فريده اه صحيح انا هروح انام تصبحي علي خير يا ست الكل

 أسيل  تصبحي علي خير يا أمي يا حبيبتي

فاطمه وانتو من أهل الخير يا حبايبي ودخلو ينامو

فاطمه طلعت صورة هشام ااااه يا هشام عملت فينا ليه كده انا كنت ناقصة إيه ...روح ربنا يسامحك... انا قلبي ۏجعاني اوي ذنبي إيه إني حبيتك بجد...ذنبي إيه قلبي يفضل محروق بالشكل ده طول السنين دي...حتي يوسف  مشي بعدك

في الصباح التالي ..

فريده داخلة الشركة متوترة وخاېفة هي من عادتها الخۏف والكسوف .. فريده خدت مكانها وقعدت جت زينب ام عمر

زينب انتباه الكل ينتبه معايا ... دلوقتي كلكم جات ليكم الفرصة علشان تكونو مصممين معروفين ... دلوقتي الشركة بتنظم لحفل ازياء قريب وافضل التصاميم هتتعرض في حفل الازياء ده ... وبكده كل اللي تصاميمهم هتحصل علي اعاجبي هتدخل في حفل الازياء ده ياريت كله يشتغل بجد اكتر علشان يكون ليكم الفرصة للشهرة ومشيت

الكل بدأ ينتاقش وكلهم عايزين يحصلو علي الفرصة علشان يدخلو عرض الأزياء ده اما فريده في عالم الأفكار والتصاميم عشان تقدر تكون في

العرض وبدأت تصمم وهي منشغلة

عمر بخخخخخ

فريده اتخضت هو إنت حرام عليك وقفت قلبي

عمر سحب كرسي وقعد جنبها

عمر هااا أول يوم شغل عامل إيه مع صديقتي الحلوة

فريده هو إحنا مش كنا اعداء

عمر لأ إنتي بلوة حياتي عمرك ما هتكوني عدوتي غير كده من مصلحتك إني أكون صديقك 

فريده نعم ومن مصلحتي ليه

عمر همس ليها عشان ممكن أقول لهيثم انك بتحبي

فريده نهارك اسود صوتها علي بس سكتت تعالى معايا يا عمر شوية برا

عمر من عينيا يا بلوة حياتي

طلعو برا

فريده عمر اوعي تكون قولت لحد

عمر لأ بس ممكن أقول

فريده خلاص يا عمر بالله عليك متقولش لحد ثم إني هيثم معتبرني اخته

عمر افتكر كلام هيثم وإنه عينه على فريده نعم ياختي ..معتبرك اخته إزاي

فريده اه معتبرني اخته...هو هيثم كده طول عمره محترم

عمر فقد النطق يعتبر 

فريده عمر إنت روحت فين

عمر انا هنا

فريده عمر بليز متقولش لحد ولا هيثم انا هستني لما يحبني

عمر پغضب  حاول يداريه بس بشرط من هنا ورايح انا صديقك

فريده ههههه اوك بس متقولش لحد وانا صديقتك

عمر مد ايده لكي يصافح فريده مش هقول لحد بس ياريت مش تتبري مني بعد كده

 فريده سلمت عليه اوك

عمر سلام بقي يا فري

فريده سلام يا عمر

عمر راح المقپرة علشان يزور والده

عمر حبيبي عامل إيه انا عارف إني بقالي كام سنة