قصة نهال وبسام الفصل الثالث والرابع والاخير

طاهر: ياااه لدرجادي مهمة عندك أوي كدا؟

والدته: فوق ما تتخيل، الأهل كدا بيبقوا منتظرين يشوفوا عيالهم عرسان وپقوا لهم بيت لوحدهم ويطمنوا عليهم ويبقى لهم أسرة صغيرة كدا

طاهر: حبيبتي يا أمي

عند نهال كان أهلها بيعرفوها إنهم جايين بكرة وهتلبس الدبلة يعني خطوبة صغيرة قبل ما يروح شغله، وهى وافقت

بعد ساعة نزل طاهر عشان ينقي دبلة له ولنهال

اختار لها دبلة وبعتها لوالدته فقالت: ذوقك حلو هتعجبها إن شاء الله، اشتري دبلة ليك ويلا

وبالفعل اشترى دبلة له كمان، ولكن لمح خاتم عجبه قرر يشتريه هو كمان ليها، لغاية ما يتفقوا على باقي الشبكة وهى هتحتاج إيه لما يبقى يجي من شغله لأن مابقاش فيه وقت

رجع لوالدته وشافتهم عالطبيعة، واتفاجئت بالخاتم لكن فرحت بدا، وعجبوهم جدًا

في اليوم التالي كان بيجهز عشان يروحوا بيت نهال، ووالدته جهزت وجهزت الحاجة اللي هياخدوها معهم

أما في بيت نهال كانت لبست دريس واسع لونه بيبي بلو وخمار أبيض ونقاب أبيض وكوتش أبيض

وكانوا مجهزين الضيافة لما يجوا

بعد نص ساعة وصل طاهر ووالدته

فتح لهم والد نهال وجنبه والدة نهال قابلوهم بابتسامة، ووالدة نهال سلمت على والدة طاهر، وطاهر سلم على والد نهال

دخلوا، وبعدها طلعت نهال ومعها صينية عليها بعض الحلويات والجاتوه، بص طاهر عليها ولكن بص تاني في الأرض بسرعة

قعدت جنب والدته اللي سلمت عليها بحب، وقالت: بسم الله ما شاء الله قمر يا نهال يا بختنا بيكي

نهال پکسۏڤ: تسلمي يا طنط

والدة طاهر پحژڼ مصطنع: طنط؟ بعد دا كله وتقوليلي طنط بدل ماما

نهال بسرعة: خلاص آسفة ماتزعليش يا ماما

والدة طاهر بابتسامة: ماقدرش أزعل منك يا حبيبتي انتِ بقيتي بنتي اللي مخلفتهاش

حضڼټھl نهال بحب، هى حبتها جدًا لمست فيها الحنية والأسلوب الكويس

طلعت والدة طاهر الدبلة والخاتم اللي كانوا في علبة مزينة وقالت بابتسامة: هاتي إيدك يا حبيبتي عشان أحط دبلة ابني في إيدك