قصة كاملة بقلم عبير

انتي حتتجوزي و تخلفي و امل حتكون واحده من ولادك
امل فين يا طنط هدى حربيها برة و اللا هنا 
حضرتك عارفه اني لو حتمم جوازي من إياد يبقى لازم اسافر معاكم طب و أمل اعمل معاها ايه اخدها ازاي 
خالي قاللي ان خالد رافض اني اخدها و اسافر بيها و انه قالله بنتي مش حتسيبني و تسافر و اللي عاوز ياخد باله منها يبقى هنا جمبها 

يبقى انا حعمل ايه بايدي ايه اعمله غير اني افضل هنا عشان اقدر اربي بنت اختي و أفضل جمبها 
هدى بس اياد ذنبه ايه 
امل عارفه انه ملوش ذنب و كتر الف خيره عاللي عمله معايا و كفايه وقفته جمبي و انه نزل مصر مخصوص عشان يعزيني لكن انا بايدي ايه اعمله ڠصب عني مش بايدي انا مش حقدر اسيبها و لا ابعد عنها لحظه و حضرتك بنفسك بتاكدي علية فده يبقى قوليلي انا اعمل ايه بايدي ايه اعمله 
هدى خلاص يا امل متشيليش الهم احنا ان شاء الله مسافرين اول الاسبوع لما نوصل حتكلم مع إياد بنفسي و إياد عقله كبير و بيقدر يفهم الأمور كويس و ان شاء الله يقدر الموقف اللي انتي فيه 
و ربنا يقدرك يا حبيبتي عاللي انتي فيه و يعوضك خير 
امل في بنت امنيه يا طنط يعوصني فيها هيا يارب 
سافر باباها و مراته و ابنه تاني عشان حياتهم كلها برة
وتمر الأيام و أمل الصغيره مبتفارقش امل لحظه بتهتم بكل تفاصيلها اكلها و مشاوير الدكتور و تطعيماتها و كل حاجه تحصلها بقت هي كل حياتها كانت قاعده بيها فبيت خالها لأن جدتها كانت اټوفت و مكنش ينفع تعيش لوحدها و خالها و مراته و بنتهم بيحبوها اوي و كمان عشان حفيدتهم تفضل قصاد عينيهم امل كانت ليها اوضه لوحدها و الأمل الصغيره طبعا بتنام و مراة خالها مكنتش بتخليها تعمل اي حاجه كانت سايباها تتفرغ لامل الصغيره و بس 
اما بالنسبه لخالد فحزن حزن شديد على امنيه اولا هي بنت عمته قبل كل شيء و ثانيا مراته اللي عاش معاها و خلف منها حتى و ان كان مقدرش بحبها الحب اللي حبه لأختها لكنه كان بيعزها جدا و عشرته ليها خلاه كان بيحب حنيتها و طيبتها و خۏفها عليه و حبها ليه
ۏفاتها أثر جدا فيه و قعد اكتر من شهر ميروحش الشغل لكن بعد كده اضطر ينزل شغله و يعيش حياته بشكل طبيعي و كان كل يوم بيروح بيت باباه عشان يشوف بنته و يقعد معاها و ياخدها بيحبها جدا و متعلق بيها اوي 
لكن هو و امل تقريبا مبيتكلموش مع بعض 
حتى لما كان بيطلب بنته عشان يشوفها كانت امه بتدخل تاخدها منها و تخرجهاله و بعد شويه تاخدها منه و تدخلها لامل تأني 
من غير ما يحصل بينهم اي كلام غير في أضيق الحدود
منستش اختها لحظه و لا انقطعت عن زيارتها كانت بتروحلها كل يوم جمعه كانت دايما بتزرعلها زرع على مقبرتها و بترش لها المياه و بتطلب من الحارس انه يراعي المكان كويس 
طول الوقت بتكلم امل و بتحكيلها عن مامتها عاشت معاها كل لحظه فحياتها فرحت اوي بظهور اول سنه من اسنانها فرحت اوي لما حبت و بدأت تخطو اول خطوه ليها و هي ماسكه ايديها كانت بتصور كل لحظاتها الحلوة فيديو و صور و عاملالها البوم لحياتها كلها
و الحمد لله ربنا أنعم علينا بنعمه الكتيرة و اللي منها نعمة النسيان مش نسيان حبايبنا أبدا هما عمرهم ما يتنسوا أبدا لكن نسيان الحزن و التأقلم مع الحاضر كلنا عارفين ان الحزن هو الحاجه الوحيده اللي بتبدأ كبيرة و مع الوقت بتصغر و الحمد لله دي نعمه كبيرة من نعم ربنا علينا شهور و شهور مرت لحد ما عدت سنه و كان يوم حزين عليهم كلهم مش عارفين يحتفلوا بعيد ميلاد امل و اللا يحزنوا على ۏفاة امنيه
وصلت المقاپر و معاها امل في عربيتها حبيبتي وحشتيني اوي الدنيا من غيرك وحشه اوي يا امنيه كل حاجه من غيرك ملهاش طعم يا حبيبتي رحتي و اخدتي معاكي كل حاجه حلوة مسيبتيليش غير حاجه واحده هي اللي محلية حياتي و مصبراني على بعادك يا غاليه 
يا امل اموله بقت جميله ازاي شبهك بالظبط يا حبيبتي نسخه منك و انتي صغيره يا امنيه نفس حركاتك و طريقة اكلك و ضحكتك و نظرة عينيكي طول الوقت شايفاكي فيها يا حبيبتي انتي وحشتيني وحشتيني اوي يا أمنيه
امنيه وحشتنا كلنا يا امل 
تلتفت لصوته خالد 
ياخد امل من عربيتها كل سنه وانتي طيبه يا حبيبة بابا 
النهارده أصعب يوم فحياتي يا امنيه مش عارف افرح و اللا أحزن احزن على فراقك اللا افرح ان بنتي عيد ميلادها النهارده و كملت سنه 
كانت امل ساكته مبتتكلمش بعدت عن المكان و سابته براحته مع مراته قعدت بعيد على جنب و طلعت مصحفها و قعدت تقرا القرآن 
وقف خالد ادام قپرها و بنته على دراعه بيكلمها و بيحكي لها حياته عامله ازاي من يوم فراقها و بعد شويه حط بنته في العربيه و راح ناحية امل 
حتروحوا
امل ايوة ان شاء الله
خالد ياللا بينا 
حط
العربيه فشنطة العربيه و امل اخدت امل الصغيره و قعدوا جمبه 
طول الطريق ساكتين محدش فيهم بيتكلم امل باصه ناحية الشباك و د موع عينيها نازله على خدها و خالد هو كمان بيفتكر كل ذكرياته مع امنيه 
روحوا البيت عند باباه و امل اخدت البنت و دخلت اوضتها من غير ولا كلمه و خالد قعد شويه و مشي
مامته قعدت تتكلم مع باباه و ان الوضع ده مش عاجيها و ميرضيش ربنا و ان وضع خالد كده مينفعش ابنها لسه صغير و
ملحقش يفرح و من حقه انه يتجوز و يعيش حياته و كمان امل لسه صغيره و متجوزتش و مفرحتش و عارفه اد ايه هما الاتنين كانوا بيحبوا بعض و انها ضحت بسعادتها عشان اختها تعيش ولكن خلاص القدر قال كلمته و كل حاجه راحت
لحالها و دلوقتي جه الاوان أنهم يرجعوا لبعض و البنت تتربى بينهم هما الاتنين 
و جوزها طمنها انه حيشوف الموضوع ده
بعد مرور يومين 
امل اخدت امل الصغيره و نزلت بيها تشتريلها هدوم جديده و اول ما رجعت اتفاجئت ببالونات و زينه و جاتوهات و تورتات 
و عرفت ان خالد عاوز يعمل عيد ميلاد لبنته و اشترى ليها فستان حلو اوي 
اخدت نهى اخته امل من على كتف امل و دخلت لبستلها الفستان و طلعتها ليهم كانت اميره من الاميرات الكل انبهر و بجمالها و بقوا ياخدوها من ايد بعض و احتفلوا بعيد ميلادها و باباها كان جايبلها سلسله جميله اوي و لبسهالها اول ما امل شافت السلسله عيطت
بشده
لأن السلسه كان عليها صورة امنيه اختها قلبها ۏجعها عليها اوي و انها مش
معاهم و هما بيحتفلوا بميلاد بنتها
و خالها و
مراته و بنته كل واحد فيهم كان جايبلها